Skipulags- og framkvæmdaráð #12

Aðalsteinn Óskarsson frá Vestfjarðastofu, Hrafnkell Proppé frá Úrbana og Lilja Magnúsdóttir formaður svæðisskipulagsnefndar Vestfjarða sátu fundinn undir liðnum.

Aðalsteinn og Hrafnkell kynntu vinnslutillögu að svæðisskipulagi Vestfjarða.

Skipulags- og framkvæmdaráð þakkar fyrir yfirferðina.

Tekin fyrir umsókn Veðurstofunnar, dagsett 18.6.2025. Í umsókninni er sótt um framkvæmdaleyfi fyrir vegslóða og uppbyggingu á turni undir veðurratsjá á Brunnahæð. Fyrir liggja jákvæðar umsagnir frá minjaverði og landeiganda.

Skipulags- og framkvæmdaráð leggur til við heimastjórn fyrrum Barðastrandarhrepps og fyrrum Rauðasandshrepps að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.

Tekin fyrir umsókn Náttúruverndarstofnunar, dagsett 30.5.2025. Í umsókninni er sótt um framkvæmdaleyfi fyrir nýtt bílastæði innan friðlandsins við Látrabjarg við Örlygshafnarveg þar sem gert er ráð fyrir 31 bílastæði fyrir fólksbíla, 4 rútustæðum og 2 stæðum fyrir smárútur/ferðabíla. Framkvæmdin er í samræmi við gildandi deiliskipulag og mun leysa af núverandi bílastæði á malarplani nær bjargi.

Skipulags- og umhverfisráð leggur til við heimastjórn fyrrum Barðastrandarhrepps og fyrrum Rauðasandshrepps að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.

Farið yfir lóðamál við Lönguhlíð 1,3 og 5 á Bíldudal.

Skipulags- og framkvæmdaráð felur byggignarfulltrúa að afla frekari gagna og leggja fyrir næsta fund ráðsins.