Skipulags- og framkvæmdaráð #19

Fulltrúar Skotíþróttafélags Vestfjarða, Valur Smárason og Gísli Rúnar Kristinsson komu inn á fundinn og kynntu hugmyndir um fyrirhugað skotíþróttasvæði í Norðurbotni, Tálknafirði. Málið er á undirbúningsstigi og snýr að mögulegu deiluskipulagi og tengingu við aðalskipulag. Fyrir liggur samningur við landeigendur í Norður-Botni vegna áformanna.

Skipulags- og framkvæmdaráð tekur jákvætt í áformin og vísar málinu áfram til heimastjórnar Tálknafjarðar.

Erindi frá Vegagerðinni og Agli Össurarsyni, dags. 19. mars 2026. Í erindinu er sótt um breytt lóðarmörk við Mikladalsveg 7 og 9 á Patreksfirði þar sem lóðirnar eru stækkaðar. Fyrir umbeðna stækkun var loðin að Mikladalsveg 7 326 m2 en eftir stækkun verður lóðin 755m2, lóðin umhverfis Mikladalsveg 9 var 4.500 m2 en verður 6.053m2. Stækkun lóðar Mikladalsvegar 9 er hluti af áformum Vegagerðarinnar í að bæta aðstöðu við starfsstöðina, en til stendur að reisa skemmu innan lóðarinnar og flytja saltgeymslu á lóðina.

Skipulags- og framkvæmdaráð metur sem svo að málið varði ekki hagsmuni annarra en umsækjenda og sveitarfélagsins sjálfs.

Skipulags- og framkvæmdaráð leggur til við heimastjórn Patreksfjarðar að stækkun lóðanna verði samþykkt.

Erindi frá Jörgen F. Eiríkssyni, dags. 16.3.2026. Í erindinu er sótt um breytt lóðarmörk við Miðtún 3 á Tálknafirði. Sótt er um stækkun um tæpan 1m til SV. Fyrir breytingu var lóðin 1394 m2 en eftir stækkun verður lóðin 1303m2. Stækkunin er í samræmi við skipulag.Jenný Lára Magnadóttir vék af fundi við afgreiðslu málsins.

Skipulags- og framkvæmdaráð frestar afgreiðslu málsins og felur byggingarfulltrúa að skoða samræmi lóða á svæðinu við gildandi deiliskipulag og kynna fyrir ráðinu á næsta fundi.

Jenný Lára Magnadóttir kom aftur inn á fundinn.

Lögð var fram tillaga að deiliskipulagi fyrir Þúfneyri, Patreksfirði. Um er að ræða deiliskipulag fyrir útivistarsvæði á Þúfneyri, þar sem gert er ráð fyrir uppbyggingu útivistaraðstöðu. Samkvæmt tillögunni verður heimilt að reisa litlar þjónustubyggingar, auk þess sem gert er ráð fyrir uppbyggingu áningarstaðar, bílastæða og útivistarstíga.

Skipulags- og framkvæmdaráð leggur til við heimastjórn Patreksfjarðar að tillagan fái málsmeðferð í samræmi við 1. mgr. 41. gr. skipulagslaga nr. 123/2010.

Tekin fyrir óveruleg breyting á aðalskipulagi Vesturbyggðar 2018-2035. Breytingin var kynnt frá 17.2.2026 til 10.3.2026 þar sem óskað var eftir umsögn Framkvæmdasýslunar-Ríkiseigna. Fyrir liggur einnig umsögn frá Minjastofnun Íslands.Jóhann Pétur Ágústsson vék af fundi við afgreiðslu málsins.

Skipulags- og framkvæmdaráð leggur til við heimastjórn fyrrum Barðastrandarhrepps og Rauðasandshrepps að tillagan fái málsmeðferð í samræmi við 2. mgr. 36 gr. skipulagslaga nr. 123/2010 enda liggur fyrir samþykki Framkvæmdasýslunnar-Ríkiseigna.

Jóhann Pétur Ágústsson kom aftur inn á fundinn.

Fyrir liggur erindi frá Oddi Þ. Rúnarssyni, f.h. Skemmunar Vatneyri ehf. dags 20. mars 2026, þar sem óskað er eftir úthlutun lóðar á Patreksfirði, nánar tiltekið á túninu bak við Rauðakrosshúsið, Bjarkargötu 9 til byggingar 6 íbúða húss.

Upphaflega hafði umsækjanda verið úthlutað lóð að Bölum 2 með það að markmiði að reisa þar fjölbýlishús í samstarfi við HMS með stofnframlagi. Undirbúningur verkefnisins var hafinn, þar á meðal vinna við deiliskipulag. Nú hafa forsendur verkefnisins hins vegar breyst og stendur til að reisa minna hús með sex íbúðum í stað stærra fjölbýlishúss.

Að mati umsækjanda er lóðin að Bölum 2 betur til þess fallin að hýsa stærri byggingu. Í framhaldi hefur umsækjandi skoðað aðrar lóðir á Patreksfirði og telur að umrætt svæði við Rauðakrosshúsið henti betur fyrir fyrirhugaða uppbyggingu, bæði með tilliti til stærðar og umfangs byggingar.

Bæjarráð tók umsókn um úthlutun lóðarinnar fyrir á 50. fundi sínum þann 24. mars og bókaði eftirfarandi:

Bæjarráð samþykkir úthlutun lóðar án auglýsingar skv. reglum Vesturbyggðar að undangenginni skipulagsbreytingu.

Svæðið sem óskað er eftir skipulagsbreytingu á er í dag skilgreint sem opið svæði samkvæmt deiliskipulagi Ofanflóðagarða ofan Urða og Mýra á Patreksfirði og byggðar neðan þeirra og sem miðsvæði í aðalskipulagi Vesturbyggðar 2018-2035. Óskað er eftir að svæðið verði skilgreint sem íbúðalóð í deiliskipulagi svæðisins.

Skipulags- og framkvæmdaráð samþykkir fyrirhuguð áform að undangenginni skipulagsbreytingu og vísar málinu áfram til heimastjórnar Patreksfjarðar og leggur til að breytingin verði grenndarkynnt fyrir lóðarhöfum Túngötu 15, 17 og 19, Þórsgötu 4, 6 og 8, Bjarkargötu 7 og 11. Með breytingunni eru einnig lagfærð lóðamörk aðliggjandi lóða.

Tekin fyrir tillaga að deiliskipulagi fyrir Brjánslæk 1 ferðaþjónusta. Innan svæðisins verði heimilt að reisa 11 hús til gistingar, hvert um sig á bilinu 40-100 m², auk eins þjónustuhúss allt að 150 m² að stærð. Hámarksbyggingarmagn innan lóðar er samtals 1.000 m².Jóhann Pétur Ágústsson vék af fundi við afgreiðslu málsins.

Skipulags- og framkvæmdaráð leggur til við heimastjórn fyrrum Barðastrandarhrepps og Rauðasandshrepps að tillagan fái málsmeðferð í samræmi við 1. mgr. 41 gr. skipulagslaga nr. 123/2010.

Jóhann Pétur Ágústsson kom aftur inn á fundinn.

Tekin fyrir eftir auglýsingu breyting á deiliskipulagi hafnar- og þjónustusvæðis á Patreksfirði. Tillaga var auglýst frá 13.10.2025 - 24.11.2025. Alls bárust 6 umsagnir/athugasemdir á auglýsingatíma frá Náttúruverndarstofnun, Minjastofnun, Slökkviliði Vesturbyggðar, Vegagerðinni, Náttúrufræðistofnun og Hafrannsóknarstofnun. Umsagnir leiddu ekki til breytinga á tillögunni.

Skipulags- og framkvæmdaráð leggur til við heimastjórn Patreksfjarðar að tillagan fái málsmeðferð í samræmi við 3. mgr. 41. gr. skipulagslaga nr. 123/2010.