Skipulags og umhverfisráð #38

Lagt fram bréf frá Sýslumanninum á Vestfjörðum með ósk um umsögn um útgáfu veitingaleyfis fyrir Tjarnarbraut ehf. á Vegamótum, Tjarnarbraut 2, Bíldudal, kt.500513-0630, dags. 05.09.2017. Sótt er um leyfi fyrir veitingastað í flokki II.

Skipulags- og umhverfisráð gerir ekki athugasemdir við útgáfu veitingaleyfis enda sé húsið í samræmi við samþykkta uppdrætti.

Erindi frá Eddu K. Eiríksdóttur. Í erindinu er sótt um breytta skráningu á fasteigninni að Grjóthólum Barðaströnd, sótt er um breytta skráningu úr sumarbústað í íbúðarhús.

Erindinu var frestað á 37.fundi ráðsins þann 21.08.2017.

Skipulags- og umhverfisráð samþykkir breytta skráningu á húsinu og felur byggingarfulltrúa að vinna málið áfram.

Lagt fram til kynningar vinnuferill við gerð fjárhagsáætlunar 2018, sem og skilaboð frá samráði við íbúa til umfjöllunar í nefndum. Ákveðið að halda aukafund vegna áherslna skipulags- og umhverfisráðs við gerð fjárhagsáætlunar 2018 þann 27.september.

Erindi frá Kristínu Ó. Matthíasdóttur. Í erindinu er sótt um stöðuleyfi fyrir 7 gámum á landi Seftjarnar lóð 1, landnr 173217.

Skipulags- og umhverfisráð óskar frekari upplýsinga og frestar erindinu.

Erindi frá Guðný Ó. Sverkmo. Í erindinu er sótt um leyfi til niðurrifs á matshl. 01 og 02 á jörðinni Hnjótur 2, 451 Vesturbyggð, landnr 139875. Um er að ræða íbúðarhús og geymslu.

Skipulags- og umhverfisráð samþykkir erindið og felur byggignarfulltrúa að vinna málið áfram.