20 ára starfsafmæli í leikskólanum á Bíldudal
Tveir starfsmenn leikskólans á Bíldudal fagna 20 ára starfsafmæli á þessu ári. Elínborg Anika Benediktsdóttir hóf störf í febrúar 2006 og Lára Þorkelsdóttir í september sama ár. Vesturbyggð og starfsfólk Bíldudalsskóla óska þeim innilega til hamingju með 20 ára starfsafmælið og áframhaldandi farsældar í starfi.
Á þessum tveimur áratugum hafa Ella og Lára fylgt fjölmörgum börnum í gegnum leikskólagönguna og verið mikilvægur hluti af starfi leikskólans. Á löngum starfsferli hafa þær byggt upp mikla reynslu og þekkingu sem nýtist sannarlega bæði börnum og samstarfsfólki. Þær hafa átt stóran þátt í að skapa gott og hlýlegt umhverfi fyrir börn og fjölskyldur þeirra á Bíldudal.
