Ábyrgð og tillitsemi dýraeigenda – mikilvægar ábendingar

Nú þegar vorið er komið og náttúran lifnar við viljum minna hunda- og kattaeigendur í Vesturbyggð á mikilvægar reglur og skyldur sem hvíla á hunda- og kattaeigendum og að samfélaginu og umhverfinu sé sýnd tillitsemi.

Skrifað: 20. maí 2025

Hundaeigendum ber skylda til að hirða upp eftir hundana sína, bæði innan þéttbýlis og á útivistarsvæðum. Hundakúkur mengar umhverfið, er til ama fyrir aðra og getur borið með sér sýkla. Þetta er lykilatriði til að halda umhverfi okkar hreinu og aðlaðandi fyrir alla. Jafnframt er minnt á að lausaganga hunda er óheimil í sveitarfélaginu.

Kattaeigendur eru einnig beðnir um að setja bjöllu á hálsólar katta sinna og halda þeim inni á nóttunni. Með því má draga verulega úr líkum á því að kettir veiði fugla, sem nú eru í varpi. Fuglalífið er viðkvæmt á þessum árstíma og við getum öll lagt okkar af mörkum til að vernda það.