Dagskrá Púkans 2023
Barnamenningarhátíð Vestfjarða hlaut nafnið Púkinn eftir atkvæðagreiðslu í öllum grunnskólum á landshlutanum. Þetta er í fyrsta sinn sem slík hátíð er haldin á Vestfjörðum.
Vestfjarðastofa leiðir verkefnið í samstarfi við alla grunnskóla og menningarstofnanir á svæðinu. Hátíðin er styrkt af Barnamenningarsjóði. Á heimasíðu hátíðarinnar má sjá yfirlit og nánari upplýsingar um viðburðina.
Viðburðir sem verða haldnir á sunnanverðum Vestfjörðum eru:
- Persónur og leikendur – smiðja í sagnagerð og myndskreytingu. Tveggja daga smiðja í sagnagerð og myndskreytingu haldin í bókasafninu á Patreksfirði. Systurnar Birta Ósmann og Auður Þórhallsdætur stýra smiðjunni, skráning í gegnum tölvupóstfangið birtathorhallsdottir@gmail.com eða hjá Birtu á bókasafninu.
- Skjaldbakan. Námskeið í heimildamyndagerð sem býður krökkum að horfa í kringum sig og skoða sitt nær umhverfi og sinn hversdagsleika í gegnum nýja linsu. Haldið í Patreksskóla.
- Listsköpun með gervigreind. Smiðja haldin í grunnskólunum. Uppgötvaðu samruna sköpunar og tækni og leystu úr læðingi möguleika listrænnar tjáningar þinnar á tímum gervigreindar.
- Danssmiðja. Sigríður Soffía Níelsdóttir kemur í grunnskólana og kennir nemendum dansspor hátíðarinnar.
- Lokahátíð. Sameiginleg lokahátíð Púkans fyrir suðurfirðina verður haldin í Skjaldborgarbíói þann 22. september.
Auk þess verður félagsmiðstöð í skýjunum á vegum nemenda Ásgarðsskóla – skóla í skýjunum. Krökkum á unglingastigi um allt land er boðið að vera með.