Dagur sjálfboðaliðans 5. desember
Dagur sjálfboðaliðans er haldinn 5. desember ár hvert til að minna á mikilvægi þeirra sem leggja samfélaginu lið með óeigingjörnu starfi.
Sjálfboðaliðar gegna veigamiklu hlutverki í sveitarfélaginu og líklega geta fá önnur svæði státað sig af jafn stóru hlutfalli íbúa í sjálfboðaliðastarfi. Þar má meðal annars nefna sjálfboðaliðastarf í íþróttahreyfingunni, björgunarsveitum, Rauða krossinum, slysavarnadeildum, kvenfélögum, Lions, skógræktarfélögum og svo aðstandendur bæjar- og menningarhátíða.
Framlag sjálfboðaliða stuðlar að auknu öryggi, velferð, samstöðu og menningu. Sveitarfélagið þakkar öllum sjálfboðaliðum í Vesturbyggð kærlega fyrir sitt framlag.
