Drög að eignamörkum á Vestfjörðum
Húsnæðis- og mannvirkjastofnun birti í gær drög að áætluðum eignamörkum fyrir um 750 jarðir á Vestfjörðum. Eigendur fengu tilkynningu í pósthólfið sitt á island.is og hafa sex vikur til að senda inn athugasemdir.
Húsnæðis- og mannvirkjastofnun vinnur að því að hnitsetja eignamörk jarða um allt land. Miðvikudaginn 15. október 2025 voru birt drög að mörkum fyrir um 750 jarðir á Vestfjörðum sem hluti af þessu landsátaki.
Eigendur fengu í gær tilkynningu í pósthólfið sitt á island.is og hafa sex vikur til að yfirfara drögin og senda inn athugasemdir í gegnum rafrænt form.
Verkefnið er liður í uppbyggingu landeignaskrár HMS, sem hefur að markmiði að bæta yfirsýn yfir eignarhald lands á Íslandi.
Nánari upplýsingar má lesa í tilkynningu HMS.
