Ekki opið hús í Vatneyrarbúð
Þau mistök urðu við útgáfu Sjómannadagsblaðsins að birt var auglýsing frá Vesturbyggð þar sem boðið er á opið hús í Vatneyrarbúð á sjómannadaginn. Auglýsingin er frá árinu 2024 og við verðum því að hryggja gesti hátíðarinnar með því að það verður ekki opið hús í Vatneyrarbúð um helgina.
Íbúum er þó að sjálfsögðu frjálst að dást að húsinu utan frá. Þá má til dæmis bera nýjan lit hússins augum, sem verið er að mála gult um þessar mundir.