Framkvæmdaleyfi ofanflóðavarna á Bíldudal
Heimastjórn Arnarfjarðar samþykkti á fundi sínum 12. mars 2025 framkvæmdaleyfi fyrir ofanflóðavörnum á Bíldudal skv. 13. og 14. gr. skipulagslaga nr. 123/2010 og ákvæðum reglugerðar nr. 772/2012 með síðari breytingum.
Fyrir liggur álit Skipulagsstofnunar um mat á umhverfisáhrifum, dags. 27. maí 2022, sem tekur til umhverfismatsskýrslu vegna viðkomandi framkvæmdar, og var það niðurstaða Skipulagsstofnunar að fyrirliggjandi umhverfismatsskýrsla uppfyllti skilyrði laga um umhverfismat framkvæmda og áætlana nr. 111/2021. Útgáfa leyfisins byggir á fyrrgreindri umhverfismatsskýrslu, áliti Skipulagsstofnunar auk heimilda gildandi aðal- og deiliskipulagsáætlana.
Útgáfa framkvæmdaleyfisins var birt 14.1.2026 á heimasíðunni og í Skipulagsgáttinni.
Upplýsingar og gögn sem tengjast leyfinu má nálgast á heimasíðu sveitarfélagsins, www.vesturbyggd.is, undir fundargerðum, mál nr. 2503016.
Ákvörðun um útgáfu framkvæmdaleyfisins er kæranleg til úrskurðarnefndar umhverfis- og auðlindamála, sbr. 52. gr. skipulagslaga nr. 123/2010 og 2. mgr. 4. gr. laga um úrskurðarnefnd umhverfis- og auðlindamála nr. 130/2011.