Íbúafundur með heimastjórn Arnarfjarðar og Ofanflóðasjóði
Heimastjórn Arnarfjarðar og Ofanflóðasjóður boða til sameiginlegs íbúafundar í Baldurshaga Bíldudal þriðjudaginn 13. maí kl. 17:00
Ofanflóðasjóður býður íbúum að hitta hönnuði ofanflóðavarna á Bíldudal í Baldurshaga sama dag kl. 16:00–17:00 til að kynna sér betur framlögð gögn.
Dagskrá fundarins verður sem hér segir:
- Formaður heimastjórnar setur fund, kynnir heimastjórn og hlutverk hennar
- Umræða um fjárhagsáætlun næsta árs og verkefni fram undan.
- Ofanflóðasjóður kynnir framkvæmdir vegna ofanflóðamannvirkja á Bíldudal.
- Fyrirspurnir og almennar umræður.
Íbúafundir heimastjórna eru hugsaðir sem fyrsta formlega skrefið í vinnu heimastjórna við fjárhagsáætlunargerð fyrir árið 2026. Heimastjórnir vinnur síðan áfram með þær ábendingar sem fram koma hjá íbúum og tillögur verða lagðar fram til bæjarstjórnar í vinnu við fjárhagsáætlun í haust.