Innviðagreining – kynningarfundir
Miðvikudaginn 10. apríl nk. munu starfsmenn Eflu verkfærðistofu kynna skýrslu um innviðagreiningu sem unnið hefur verið að síðastliðinn tvö ár. Fundirnir verða tveir, annars vegar í félagsheimilinu á Patreksfirði klukkan 16:00 og hins vegar í Baldurshaga á Bíldudal klukkan 20:00.
Skrifað: 5. apríl 2019
Undanfarin tvö ár hefur Vesturbyggð unnið að verkefni sem miðar að því að kortleggja stöðu innviða í sveitarfélaginu og hvernig hægt er til framtíðar að skapa aðstöðu fyrir þau fyrirtæki sem hafa hug á að efla sinn rekstur enn frekar innan sveitarfélagsins og bjóða upp á tækifæri fyrir ný fyrirtæki. Með auknu fiskeldi og auknum umsvifum í öðrum atvinnugreinum hefur orðið viðsnúningur í atvinnumálum í Vesturbyggð. Þetta hefur einnig gert það að verkum að sveitarfélagið hefur fundið fyrir vaxtaverkjum m.t.t innviða eins og á hafnarsvæðum og á fasteignamarkaði svo dæmi séu nefnd.
Verkefnið var fyrst kynnt á íbúafundi á Bíldudal þann 19. september 2017 og í nóvember 2017 voru haldnir samráðsfundir með stærri fyrirtækjum á svæðinu, einnig voru haldnir opnir fundir með öðrum hagsmunaaðilum. Í desember var tillaga að fyrsta hluta verkefnisins kynnt á heimasíðu sveitarfélagsins og almenningi gefinn frestur til 20. janúar til að koma með ábendingar.
Vinnslu verkefnisins er nú lokið og verður verkefnið kynnt af starfsmönnum EFLU verkfræðistofu á opnum íbúafundum.
Miðvikudaginn 10. apríl;
kl: 16:00 í félagsheimilinu á Patreksfirði.
kl: 20:00 Í Baldurshaga á Bíldudal.
Skýrslan í heild sinni verður aðgengileg á fundunum og síðan í kjölfarið á heimasíðu sveitarfélagsins.
