Íþróttakennari — Tálknafjarðarskóli
Tálknafjarðarskóli er samrekinn grunn- og leikskóli þar sem fram fer öflugt og framsækið skólastarf. Áhersla er lögð á að koma til móts við hvern og einn nemanda. Skólinn er öflugur grænfánaskóli, heilsueflandi skóli og UNESCO skóli.
Í grunnskólum Vesturbyggðar er gróskumikið skólastarf en meðal áherslna skólanna er faglegt lærdómssamfélag, einstaklingsmiðað nám, leiðsagnarnám og samþætting námsgreina þar sem grunnþættir menntunar endurspeglast í skólastarfi. Íþróttalíf er gott og fjölbreytt og margir möguleikar fyrir öflugan íþróttakennara.
Starfið hefur fasta starfsstöð á Tálknafirði en felur jafnframt í sér möguleika á kennslu við tvo aðra grunnskóla innan Vesturbyggðar.
Starfssvið
- Annast almenna íþrótta- og sundkennslu
- Stuðla að velferð nemenda í samstarfi við foreldra og annað fagfólk
- Vinna samkvæmt stefnu skólans
- Vinna að því að skapa gott andrúmsloft í skólanum og tryggja öryggi og velferð nemenda og starfsfólks
- Önnur verkefni samkvæmt starfslýsingu og sem yfirmaður felur starfsmanni
Hæfniskröfur
- Leyfi til að nota starfsheitið kennari
- Sérhæfð hæfni í kennslu íþrótta
- Hefur ánægju af að starfa með börnum og unglingum
- Jákvæðni og sveigjanleiki í samskiptum
- Getur tileinkað sér skólastefnu grunskólanna, svo sem Uppeldi til ábyrgðar, Heillaspor og fleira
- Góðir skipulagshæfileikar
- Faglegur metnaður
Umsóknarfrestur er til og með 24. maí 2026
Laun eru samkvæmt kjarasamningum Sambands íslenskra sveitarfélaga við viðkomandi stéttarfélag. Umsækjendur mega hvorki hafa hlotið refsidóm vegna brota á ákvæðum XXII. kafla almennra hegningarlaga (kynferðisbrot), nr. 19/1940 frá því að hann var sakhæfur (15 ára) né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því að við ráðningu er heimilt að sækja upplýsingar úr sakaskrá.
Umsókn um starf skal fylgja skrá yfir menntun og starfsferil og afrit af leyfisbréfi ef við á og upplýsingar um umsagnaraðila.
Frekari upplýsingar veitir Gerður Björk Sveinsdóttir, bæjarstjóri. Umsækjandi er aðstoðaður við að finna húsnæði og veittur er flutningsstyrkur. Umsóknir skulu berast á netfangið vesturbyggd@vesturbyggd.is. Vesturbyggð áskilur sér rétt til að hafna öllum umsóknum.
