Hoppa yfir valmynd

Jóla­t­endr­anir 2026

Senn verður kveikt á ljósum jóla­trjáa á Bíldudal, Tálkna­firði og Patreks­firði. Auk þess er öllum boðið á jóla­sýn­ingu í Skjald­borg­ar­bíói.


Skrifað: 16. nóvember 2026

Allir bæjarbúar eru hjartanlega velkomnir að vera viðstaddir og gleðjast saman í skammdeginu. Boðið verður upp á heitt súkkulaði og smákökur, dansað verður í kringum jólatréð og fleira. Í Skjaldborgarbíó verður kvikmyndin Músajól sýnd í boði Vesturbyggðar.

Dagsetningar

  • Bíldudalur: laugardaginn 21. nóvember kl. 16:00 við félagsheimilið Baldurshaga að Tjarnarbraut 4, beint eftir jólamarkað slysavarnadeildarinnar Gyðu.
  • Tálknafjörður: laugardaginn 28. nóvember kl. 16:00 á Lækjartorgi, við gatnamót Strandgötu og Lækjargötu. Foreldrafélag Tálknafjarðarskóla sér um skipulagningu viðburðarins.
  • Patreksfjörður: fimmtudaginn 3. desember kl. 16:00 á Friðþjófstorgi, á milli pósthússins og Skjaldborgarbíós. Byrjað er á að drekka kakó og eiginleg dagskrá hefst rúmlega svo börn og foreldrar hafi tíma til að koma sér á staðinn eftir að leikskóla- og frístundastarfi lýkur.
  • Bíó: fimmtudaginn 3. desember kl. 17:00 í Skjaldborgarbíói, beint eftir tendrunina á Friðþjófstorgi.

Íbúar eru hvattir til að taka eigin bolla og könnur með sér undir kakóið.

Tímasetningar eru birtar með fyrirvara um að veðurguðirnir verði okkur hliðhollir.

Menningar- og ferðamálafulltrúi

muggsstofa@vesturbyggd.is/+354 450 2335