Kynningar og fundir á vegum Rannís
Mennta- og menningarsvið Rannís sækir Vesturbyggð heim dagana 23.-24. september til að kynna ýmis tækifæri og styrki sem bjóðast í alþjóðasamstarfi.
Markmiðið er að kynna tækifæri sem bjóðast innan evrópskra og norrænna styrkjaáætlana:
- Erasmus+, áætun ESB fyrir öll skólastig, æskulýðsmál og íþróttir
- Creative Europe, kvikmynda- og menningaráætlun ESB
- Nordplus, menntaáætlun Norrænu ráðherranefndarinnar
- Uppbyggingarsjóð EES
Rannís hvetur sveitarfélög, skóla, fræðsluaðila, menningarstofnanir, æskulýðsgeirann, íþróttafélög, fyrirtæki, ungt fólk og öll sem áhuga hafa á alþjóðasamstarfi að nýta tækifærið og mæta. Starfsfólk okkar verður svo til taks eftir kynningarnar fyrir þau sem vilja ræða möguleikana í norrænu og evrópsku samstarfi nánar.
Kynningarnar verða sem hér segir:
- 23. september kl. 12:00-13:00 — Opinn kynningarfundur á Bíldudal, á Vegamótum. Súpa í boði.
- 23. september kl. 16:30-18:00 — Opinn kynningarfundur í Félagsheimilinu á Patreksfirði. Kaffi og með því.
Starfsfólk Rannís mun einnig heimsækja skóla og fleiri stofnanir í ferðum sínum.Vinsamlegast sendið fyrirspurnir um fundinn til Evu Einarsdóttur kynningarfulltrúa á netfangið eva.einarsdottir@rannis.is eða í síma 691 3351.