Listsýning á grindverki Arakletts
Börnin á leikskólanum Arakletti á Patreksfirði bjóða til listsýningar á grindverki við skólann.
Sýningin er lokapunktur verkefnis þar sem börnin hafa fræðst um atvinnuhætti og velta fyrir sér hvað þau langar að verða þegar þau verða stór. Með sýningunni fylgir kynningartexti á íslensku, ensku, dönsku, pólsku, frönsku og litháísku, sem eru einmitt þau tungumál sem töluð eru af börnum á Arakletti.
Við vonum að þið gefið ykkur tíma til að skoða sýninguna og fagnið með okkur fjölbreytileikanum, draumum barnanna og framtíðinni.
