Lokað fyrir almennri umferð í Aðalstræti
Íbúar á Patreksfirði hafa eflaust orðið varir við framkvæmdir í Aðalstræti sem hafa áhrif á umferð. Óhindruð umferð getur farið um Strandgötu en lokað er fyrir almennri umferð milli Aðalstrætis 75 og 87 á meðan framkvæmdum stendur.
Verkið er hluti af bráðavörnum við Stekkagil og er undir verkefnastjórn Ríkiseignir – Framkvæmdasýslan FSR og Vesturbyggðar. Um frekar flóknar framkvæmdir er að ræða þar sem töluvert er um lagnir á svæðinu og einnig þar sem takmarka þarf töluvert umferð um svæði.
Hjáleið verður gerð meðfram verkstæði en eingöngu verður um einbreiðan veg að ræða sem hugsaður er eingöngu sem neyðarvegur fyrir bráðaaðila.
Framkvæmdirnar munu standa yfir frá mánudegi 8. júlí til og með mánudegi 15. júlí.