Opið fyrir umsóknir í Tónlistarskólann
Opið er fyrir nýjar umsóknir í Tónlistarskóla Vesturbyggðar fyrir starfsárið 2025-2026. Umsóknarfrestur er til og með 22. ágúst.
Skrifað: 18. ágúst 2025
Öllum nýjum umsóknum verður svarað eftir það og hleypt inn eftir því sem ráðrúm er til. Einstaka sinnum hafa myndast stuttir biðlistar og þá hafa þeir forgang sem fyrstir sóttu um. Vel er tekið á móti öllum umsóknum, sama hver aldurinn er, en við skráum þó að jafnaði ekki börn yngri en 6 ára í skólann. Hægt er að nálgast upplýsingar um gjaldskrá o.fl. á vef Vesturbyggðar. Umsóknareyðublað má nálgast á hlekk neðst í fréttinni.
Kennt er á blokkflautu, píanó, gítar, ukulele, bassa, fiðlu, flautu, klarinett, saxófón, fagott, trompet, básúnu, slagverk og trommusett, auk þess sem söngnám er í boði. Leitast verður við að bjóða upp á allt þetta á öllum starfsstöðvum, á Bíldudal, Tálknafirði og Patreksfirði.