Orkuþing Vestfjarða
Orkuþing Vestfjarða verður haldið föstudaginn 6. mars á Ísafirði þar sem helstu hagaðilar í orkumálum svæðisins koma saman til að ræða stöðu, framtíðarsýn og tækifæri í orkuuppbyggingu á Vestfjörðum.
Á þinginu verður farið yfir lykilverkefni í orkumálum á svæðinu, framvindu þeirra, tímalínur og þær áskoranir sem standa frammi fyrir samfélögum og atvinnulífi Vestfjarða á komandi árum. Jafnframt verður fjallað um þau tækifæri sem felast í aukinni orkuöflun, bættu orkuöryggi og orkuskiptum í landshlutanum.
Þingið verður í Edinborgarhúsinu á Ísafirði, Aðalstræti 7. Það hefst kl. 11:30 og lýkur kl. 14:15.
Dagskrá:
- 11:30 — Fundarsetning: Jóhann Páll Jóhannsson, umhverfis-, orku- og loftslagsráðherra
- 11:45 — Vesturverk: Hvalárvirkjun
- 12:00 — Orkubú Vestfjarða: Jarðhiti
- 12:15 — EM-Orka: Vindorka
- 12:30 — Hlé, hádegisverður
- 13:00 — Arctic Hydro: Austurgilsvirkjun
- 13:15 — Orkubú Vestfjarða: Vatnsafl
- 13:30 — Landsnet: Tenging við flutningskerfið
- 13:45 — Pallborðsumræður