Óvissustig vegna krapaflóðahættu
Veðurstofa Íslands hefur lýst yfir óvissustigi vegna krapaflóðahættu á Sunnanverðum Vestfjörðum.
Ekki eru þó taldar miklar líkur á stórum krapaflóðum en þó eru íbúar á Patreksfirði sem búa í húsum sem standa efst í bröttum hlíðum og við árfarvegi hvattir til að dvelja ekki í herbergjum með glugga sem snúa upp í hlíðar á jarðhæð eða í kjöllurum meðan rigningin gengur yfir. Fólk er hvatt til að sýna aðgæslu nærri vatnsfarvegum þar sem krapaspýjur geta borist niður.
Aukin varúð gildir fyrir eftirfarandi hús á Patreksfirði:
- Brunnar 1 og 2
- Aðalstræti 77A og 75 (næst farveginum), 76 og 78
- Hlíðarvegur 2
- Hjallar 2
Af öryggisástæðum hefur verið ákveðið að loka veginum um Raknadalshlíð frá kl. 23:00 í kvöld, miðvikudag.