Ráðning skólastjórnenda í Patreksskóla og Tálknafjarðarskóla
Gengið hefur verið frá ráðningum í störf tveggja skólastjórnenda; Jónínu Helgu Sigurðardóttur í stöðu skólastjóra Patreksskóla og Rakelar Guðfinnsdóttur í stöðu skólastjóra Tálknafjarðarskóla.
Jónína Helga starfaði síðasta vetur í afleysingu sem skólastjóri Patreksskóla og þar áður sem kennari og deildarstjóri. Hún er starfsfólki, nemendum og foreldrum því að góðu kunn. Jónína er með bæði grunn- og framhaldsmenntun í grunnskólakennslu.
Rakel er fædd á Patreksfirði og á því tengingar hingað vestur. Hún er menntaður sjúkraliði, grunnskólakennari og talmeinafræðingur. Rakel hefur undanfarin 10 ár starfað í fyrirtækinu Okkar tal sem hún stofnaði ásamt fleirum.
Við bjóðum þær Rakel og Jónínu hjartanlega velkomnar til starfa.