Samstarfssamningur við Tálknafjör
Vesturbyggð og hátíðarfélagið Tálknafjör hafa undirritað samstarfssamning um bæjarhátíðina Tálknafjör sem haldin er á Tálknafirði á síðustu helgi júlímánuðar annað hvert ár. Samningurinn kveður á um stuðning við hátíðina og aðkomu sveitarfélagsins að ýmsum þáttum hennar.
Samningurinn felur meðal annars í sér fjárhagslegan stuðning vegna aðkeyptra skemmtikrafta og leigu á færanlegum salernum á hátíðarsvæðinu. Þá munu handhafar hátíðararmbanda frá ókeypis aðgang í sund og gistingu á tjaldsvæðinu á Tálknafirði yfir hátíðarhelgina. Einnig er kveðið á um að heimilt sé að færa dagskrá hátíðarinnar inn í félagsheimilið á Tálknafirði komi upp alvarlegt óveður. Sú ráðstöfun er þó háð því að húsnæðið hafi ekki þegar verið leigt út vegna annarra viðburða.
Tálknafjör fer fram dagana 24.–26. júlí 2026 og eru áhugasöm hvött til að fylgjast með tilkynningum á Facebooksíðu hátíðarinnar.
Samninginn undirrituðu Jón Ólafur Ásgeirsson, fyrir hönd Tálknafjörs, og Valgerður María Þorsteinsdóttir, fyrir hönd Vesturbyggðar.
