Sjálfboðaliðar er orð ársins 2025
Kosningu um orð ársins í Vesturbyggð 2025 er lokið og varð orðið sjálfboðaliðar hlutskarpast.
Þann 27. nóvember síðastliðinn var auglýst eftir tillögum að orði ársins í sveitarfélaginu. Alls bárust 16 tillögur að 12 orðum og var kosið um sjö þeirra. Alls var kosið 204 sinnum og dreifðust atkvæðin á eftirfarandi hátt:
- Byggðarmerki: 12 atkvæði eða 6%
- Gullkista: 6 atkvæði eða 3%
- Jarðhiti: 9 atkvæði eða 4%
- Ljósleiðari: 4 atkvæði eða 2%
- Sjálfboðaliðar: 149 atkvæði eða 73%
- Undirskriftarlisti: 1 atkvæði eða 0%
- Vatnslaust: 23 atkvæði eða 11%
Kærar þakkir eru færðar öllum þeim sem tóku þátt í valinu.
Sjálfboðar og sjálfboðaliðastarf skipar stóran sess í mannlífi svæðisins og eru fjölmargir íbúar sem leggja hönd á plóg á fjölbreyttum vettvangi. Framlag sjálfboðaliða stuðlar að öflugu mannlífi, menningu, samstöðu, öryggi og velferð í sveitarfélaginu.