Skjaldborgarhátíð 2026
Heimildamyndahátíðin Skjaldborg verður haldin á Patreksfirði dagana 22.–25. maí 2026. Á dagskrá verða fjölbreyttar kvikmyndasýningar og viðburðir fyrir íbúa og gesti yfir hvítasunnuhelgina.
Sýningar fara fram í Skjaldborgarbíói á Patreksfirði og er aðgangur að öllum heimildamyndum án endurgjalds. Samhliða kvikmyndasýningum verða haldnir ýmsir viðburðir í bænum, meðal annars skrúðganga, plokkfiskveisla og limbókeppni, auk þess sem kynnt verða verk í vinnslu og sýndar myndir úr safni Kvikmyndasafns Íslands.
Hátíðarpassi veitir aðgang að allri dagskrá, þar á meðal viðburðum yfir helgina. Lokahátíð fer fram í Félagsheimili Patreksfjarðar að lokinni skrúðgöngu og verðlaunaafhendingu.
Nánari upplýsingar um dagskrá og heiðursgest verða kynntar fljótlega. Hægt er að fylgjast með á heimasíðu hátíðarinnar og samfélagsmiðlum.