Störf í félagsmiðstöðvum
Félagsmiðstöðvar Vesturbyggðar auglýsa eftir leiðbeinendum og forstöðumönnum. Í sveitarfélaginu eru þrjár félagsmiðstöðvar; Dímon á Bíldudal, Tunglið á Tálknafirði og Vest-End á Patreksfirði.
Viðkomandi þurfa að geta hafið störf sem fyrst.
Störfin felast í skipulagningu og framkvæmd á starfi félagsmiðstöðva Vesturbyggðar í samráði við unglinga og annað starfsfólk. Félagsmiðstöðvarnar eru að jafnaði opnar tvö kvöld í viku, tvo tíma í senn.
Félagsmiðstöðvarnar starfa náið saman og eru sameiginlegir viðburðir haldnir einu sinni í mánuði.
Hæfniskröfur
- Viðkomandi þarf að hafa náð 20 ára aldri
- Reynsla í vinnu með unglingum æskileg
- Sjálfstæð vinnubrögð, stundvísi og jákvætt viðmót skilyrði
- Áhugi fyrir að efla unglingastarf á svæðinu æskilegur
Umsóknarfrestur er til og með 8. september 2025
Laun og starfskjör eru í samræmi við kjarasamninga Sambands íslenskra sveitarfélaga og viðkomandi stéttafélags. Vesturbyggð áskilur sér rétt til að hafna öllum umsóknum.
Frekari upplýsingar veitir Magnús Arnar Sveinbjörnsson, sviðsstjóri fjölskyldusviðs.