Sumarafleysing við hafnir
Hafnasjóður auglýsir eftir starfsmanni í sumarafleysingar fyrir hafnarverði við hafnir Vesturbyggðar sumarið 2026. Um er að ræða afleysingarstörf á tímabilinu frá maí til loka ágúst 2026.
Starfsmaður starfar við leiðsögn og öryggiseftirlit á höfn og sinnir verkefnum hafnarvarða, svo sem vigtun afla, samskiptum við opinberar stofnanir, móttöku og röðun skipa í höfn, afgreiðslu vatns og rafmagns til skipa og almennum störfum tengdum rekstri hafna. Starfsstöð er á Patreksfirði, en gera má ráð fyrir að starfsmaður þurfi einnig að sinna verkefnum á öðrum höfnum sveitarfélagsins.
Allir einstaklingar, óháð kyni, eru hvattir til að sækja um starfið.
Laun og starfskjör eru samkvæmt gildandi kjarasamningum Sambands íslenskra sveitarfélaga við viðkomandi stéttarfélag.
Hæfniskröfur
- Réttindi sem löggiltur vigtarmaður eða vilji til að sækja námskeið til að öðlast slík réttindi
- Reynsla af sambærilegu starfi er kostur
- Góð tölvukunnátta
- Skipulögð og vönduð vinnubrögð
- Sjálfstæði og frumkvæði í starfi
- Lipurð í mannlegum samskiptum og góð þjónustulund
- Umsækjandi þarf að vera 20 ára eða eldri
Umsóknarfrestur er til og með 7. apríl 2026
Umsóknir skulu vera skriflegar og sendar til Vesturbyggðar á netfangið elfar@vesturbyggd.is, merktar: Umsókn – afleysing hafnarvörður.
