Sviðsstjóri stjórnsýslu- og fjármálasviðs
Vesturbyggð leitar að öflugum og framsýnum leiðtoga í starf sviðsstjóra stjórnsýslu- og fjármálasviðs.
Um er að ræða fjölbreytt og krefjandi starf í lifandi sveitarfélagi þar sem áhersla er lögð á faglega stjórnsýslu, ábyrga fjármálastjórn og góða þjónustu við íbúa.
Sviðsstjóri er hluti af framkvæmdastjórn sveitarfélagsins og starfar í nánu samstarfi við bæjarstjóra, kjörna fulltrúa og aðra sviðsstjóra. Sviðsstjóri er staðgengill bæjarstjóra.
Helstu verkefni og ábyrgð
- Yfirumsjón með stjórnsýslu- og fjármálasviði Vesturbyggðar
- Fjármálastjórn sveitarfélagsins, þ.m.t. gerð fjárhagsáætlana, ársreikninga og eftirfylgni
- Undirbúningur mála fyrir bæjarstjórn og bæjarráð ásamt því að rita fundargerðir bæjarstjórnar og bæjarráðs
- Stoðþjónusta við önnur fagsvið og stofnanir, og tryggja vandaða stjórnsýslu í samræmi við lög og reglur
- Stefnumótun, þróun verklags og umbótaverkefni
- Samskipti við stofnanir, eftirlitsaðila og hagsmunaaðila
- Staðgengill bæjarstjóra
Menntunar- og hæfniskröfur
- Háskólamenntun sem nýtist í starfi, t.d. á sviði stjórnsýslu, lögfræði, viðskipta, fjármála eða sambærilegra greina
- Farsæl reynsla af stjórnun og/eða fjármálastjórn, stjórnunarreynsla innan opinberrar stjórnsýslu er kostur
- Góð þekking á rekstri og fjármálum sveitarfélaga er kostur
- Þekking á stjórnsýslulögum og opinberum rekstri er æskileg
- Skipulögð og sjálfstæð vinnubrögð
- Sterk samskipta- og leiðtogahæfni
- Góð íslensku- og tölvukunnátta
Umsóknarfrestur er til og með 9. febrúar 2026
Sótt er um í gegnum heimasíðu Hagvangs, sjá hlekk hér fyrir neðan.
Nánari upplýsingar veitir Stefanía Hildur Ásmundsdóttir á netfangið stefania@hagvangur.is.