Þjónusta og ráðgjöf — Lyfja Patreksfirði
Lyfja leitar að jákvæðum og sjálfstæðum einstaklingi með ríka þjónustulund í sölu og afgreiðslu í Lyfju Patreksfirði. Starfið felst í almennum afgreiðslustörfum og ráðgjöf til viðskiptavina um val og notkun á lausasölulyfjum og öðrum vörum.
Starfið
Vinnutími er frá 11:00-17:00 alla virka daga. Umsækjandi þarf að hafa ágæta íslensku- og enskukunnáttu.
Hlutverk og ábyrgð
- Ráðgjöf til viðskiptavina um val á vörum og lausasölulyfjum
- Þjónusta og almenn afgreiðslustörf
- Áfyllingar í verslun
- Afhending lyfja gegn lyfseðli
Hvaða hæfni þarft þú að hafa?
- Ríka þjónustulund og gott viðmót
- Áhuga á mannlegum samskiptum
- Reynsla af verslunarstörfum er skilyrði
- Reynsla af störfum í apóteki er kostur
Nánari upplýsingar veita Elín Kristín Einarsdóttir, forstöðumaður útibús í síma 456 1222 og Jónas Þór Birgisson, lyfsali, jonas@lyfja.is, eða í síma 456 3009.
Nánari upplýsingar um auglýsinguna og skil á umsókn á hlekk neðst í fréttinni.
Farið verður með allar umsóknir og fyrirspurnir sem trúnaðarmál.
Hvers vegna Lyfja?
Lyfja er leiðandi fyrirtæki í íslenskri heilbrigðisþjónustu með það að markmiði að lengja líf og bæta lífsgæði landsmanna. Við leggjum áherslu á faglega og hlýlega þjónustu, heilsueflingu og stöðuga nýsköpun.
Við leggjum okkur fram um að skapa vinnuumhverfi þar sem starfsfólk upplifir jákvæðan starfsanda, fær tækifæri til að þróast í starfi og nýtir hæfileika sína til fulls. Við bjóðum upp á öfluga fræðslu, markvissa starfsþróun og leggjum mikla áherslu á gott jafnvægi milli vinnu og einkalífs.
Lyfja rekur 45 apótek og útibú víðs vegar um landið, sem gefur starfsfólki kost á fjölbreyttum og spennandi tækifærum, hvar sem er á landinu.