Tjald­svæði á Bíldu­dals grænum baunum

Tjaldsvæðið við Byltu

Sem áður geta gestir gist á tjaldsvæðinu við íþróttamiðstöðina Byltu en svæðið er minna en áður vegna byggingar nýs skóla. Keyrt er inn á svæðið frá bílastæði Byltu, meðfram grindverkinu við heita pottinn.

Tjaldsvæðið við Skrímslasetrið

Til að koma til móts við minnkað svæði við Byltu hefur nýtt svæði verið opnað við Skrímslasetrið. Tjaldsvæðið er staðsett við hliðina á Skrímslasetrinu en Vesturbyggð annast rekstur þess. Athygli er vakin á því að salerni Skrímslasetursins er einungis fyrir viðskiptavini þess, á það einnig við um pall Skrímslasetursins og fremstu bílastæðin við setrið.

Tjaldsvæðið við Völuvöll

Auk tjaldsvæðanna við Byltu og Skrímslasetrið verður tjaldsvæði á Völuvelli aðeins yfir hátíðarhelgina. Þar eru tvö klósett og einn rafmagnsstaur. Þegar keyrt er frá þorpinu er beygt til vinstri þegar komið er framhjá Litlu-Eyri.

Önnur svæði í bænum

Komi til þess að ofangreind svæði anni ekki eftirspurn geta gestir tjaldað eða komið hýsum sínum fyrir á fyrirfram skilgreindum svæðum sem sjá má á eftirfarandi yfirlitsmyndum. Athygli er vakin á því að hvorki verða rafmagnstenglar né salerni á þessum svæðum.

Gott að hafa í huga

• Allir tjaldsvæðisgestir geta nýtt sér sturtuaðstöðu í Byltu gegn framvísun kvittunar.
• Ekki verður tekið við bókunum á tjaldsvæðunum. Hér gildir hin gamla góða regla fyrstur kemur fyrstur fær. Biðlað er til gesta að geyma bíla sína á bílastæðum eftir að hýsum/tjöldum hefur verið komið fyrir til að rýma fyrir fleiri gestum.
• Búast má við hávaða frá hátíðarhöldum á tjaldsvæðinu við Skrímslasetrið. Þá gætu gestir einnig orðið varir við óm frá hátíðarsvæði hjá Byltu, auk truflana vegna framkvæmda við nýjan skóla. Gestir eru beðnir um að sýna þessu skilning. Búist er við minnstum hávaða á svæðinu á Völuvelli.
• Tjaldsvæðið á Bíldudal er eitt af þremur tjaldsvæðum Vesturbyggðar, hin eru staðsett á Tálknafirði annars vegar og Patreksfirði hins vegar. Nánari upplýsingar um þau svæði má nálgast í hlekknum neðst á fréttinni.
• Menningar- og ferðamálafulltrúi svarar öllum fyrirspurnum um tjaldsvæðin á Bíldudal á netfangið muggsstofa@vesturbyggd.is og í síma 857 4818.

Reglur á tjaldsvæðum Vesturbyggðar

• Vinsamlegast hafið hunda í taumi og hreinsið upp eftir þá.
• Opnir eldar eru bannaðir nema í sérstökum grillum eða eldstæðum.
• Næturkyrrð gildir frá kl. 23:00 til 07:00.
• Vinsamlegast keyrið varlega og sýnið aðgát þar sem börn og gangandi vegfarendur eru á ferð.
• Vinsamlegast flokkið sorp og losið í viðeigandi gáma.
• Vesturbyggð og rekstraraðilar tjaldsvæðanna bera ekki ábyrgð á tjóni eða stolnum munum.
• Vinsamlegast virðið afmörkuð svæði.
• Börn skulu ávallt vera undir eftirliti og á ábyrgð foreldra eða forráðamanna.
• Vinsamlegast sýnið öðrum gestum tillitssemi og virðingu.
• Ef upp kemur atvik sem varðar lögreglumál skal hafa beint samband við lögregluna í síma 112.