Tómstundafulltrúi
Vesturbyggð leitar að metnaðarfullum, skapandi og ábyrgum einstaklingi til að taka að sér lykilstöðu í tómstunda- og félagslífi sveitarfélagsins.
Starfið felur í sér tækifæri til að byggja upp og efla fjölbreytt tómstundastarf fyrir alla aldurshópa. Tómstundafulltrúi er einn af stjórnendum fjölskyldusviðs og er leiðandi í lýðheilsu-, forvarna- og félagsmálaumgjörð sveitarfélagsins. Starfshlutfall er 100% og næsti yfirmaður er sviðsstjóri fjölskyldusviðs.
Helstu verkefni og ábyrgð
- Umsjón með verkefnum er varða íþrótta- og tómstundastarf, eflingu lýðheilsu og forvarna hjá sveitarfélaginu
- Yfirumsjón með starfsemi íþróttaskóla, félagsmiðstöðva og vinnuskóla sveitarfélagsins
- Vera einn af lykilaðilum við innleiðingu laga um samþættingu þjónustu í þágu farsældar barna
- Þátttaka í ákvarðanatöku sem snýr að uppbyggingu á sviði íþrótta- og tómstundamála í sveitarfélaginu
- Umsjón með akstri tengdum skólastarfi, íþróttum og tómstundum
- Umsjón með íþróttavöllum í sveitarfélaginu
- Samstarf með ungmennaráði sveitarfélagsins
- Önnur tilfallandi verkefni
Menntunar- og hæfniskröfur
- Háskólamenntun sem nýtist í starfi skilyrði, svo sem á sviði kennslu eða uppeldisfræða, íþrótta og heilsufræða, tómstunda- og félagsmálafræða eða annað sambærilegt nám
- Reynsla af sambærilegu starfi er kostur
- Reynsla og þekking á þjálfun kostur
- Íslenskukunnátta í ræðu og riti skilyrði
- Enskukunnátta æskileg
- Rík krafa um frumkvæði og framkvæmdagleði
- Sjálfstæði í störfum og góð skipulagshæfni
- Góð samskiptahæfni og þjónustulund við alla aldurshópa
- Jákvæðni og aðlögunarhæfni
Umsóknarfrestur er til og með 9. febrúar 2026
Sótt er um í gegnum heimasíðu Hagvangs, sjá hlekk hér fyrir neðan.
Nánari upplýsingar veitir Stefanía Hildur Ásmundsdóttir á netfangið stefania@hagvangur.is.