Umsjón með framhaldsdeild FSN
Fjölbrautarskóli Snæfellinga auglýsir stöðu umsjónaraðila við framhaldsdeild á Patreksfirði lausa til umsóknar.
Umsjónaraðili á Patreksfirði er nemendum til aðstoðar og stuðnings. Umsjónaraðilinn hefur umsjón með nemendum, aðstoðar þá í náminu og í samskiptum við kennara ef á þarf að halda.
Starfið felst m.a. í umsjón með daglegri starfsemi deildarinnar og aðstoð við nemendur, en þeir stunda dreifnám frá Fjölbrautaskóla Snæfellinga í Grundarfirði. Viðkomandi fylgir nemendum í námsferðir til Grundarfjarðar, ef þörf er á.
Hæfniskröfur
Leitað er að einstaklingi sem hefur góða skipulagshæfileika og er lipur í samskiptum. Einnig er mikilvægt að viðkomandi sé fljótur að tileinka sér nýjungar og sé vel tölvufær. Nauðsynlegt er að umsækjandi hafi góða íslenskukunnáttu.
Helstu verkefni og ábyrgð
- er nemendum á Patreksfirði til aðstoðar og stuðnings,
- hefur umsjón með nemendum, aðstoðar þá í náminu og í samskiptum við kennara ef á þarf að halda,
- er í samstarfi við aðra starfsmenn, nemendur, foreldra og forráðamenn, hefur viðtalstíma fyrir nemendur sína og forráðamenn þeirra.
- hefur viðtalstíma fyrir nemendur sína og forráðamenn þeirra.
- aðstoða nemendur við athafnir í daglegu lífi á skólatíma,
- aðstoða kennara eða þroskaþjálfa í kennslustundum,
- vinna að sértækum verkefnum með nemendum undir stjórn kennara eða þroskaþjálfa.
- skipuleggur og undirbýr nemendaferðir til Grundarfjarðar.
Umsóknarfrestur er til og með 15. september 2025
Laun samkvæmt gildandi kjarasamningi sem fjármála- og efnahagsráðherra og Sameyki hafa gert. Ráðið er í stöðuna frá 22. september 2025. Nánari upplýsingar veita Hrafnhildur Hallvarðsdóttir, skólameistari, í síma 430 8400 og á hrafnhildur@fsn.is
Umsóknir með ítarlegum upplýsingum um menntun og fyrri störf skulu hafa borist skólameistara, Grundargötu 44, 350 Grundarfirði eða á netfangið hrafnhildur@fsn.is síðasta lagi 12. september 2025. Umsóknir þurfa ekki að vera á sérstökum eyðublöðum. Öllum umsóknum verður svarað þegar ákvörðun um ráðningu hefur verið tekin.
Starfshlutfall er 50%.
Nánari upplýsingar veitir Hrafnhildur Hallvarðsdóttir, skólameistari.