Vegaframkvæmdir á Mýrum og Hólum á Patreksfirði
Á mánudagsmorgun hefst undirbúningur á Mýrum og Hólum fyrir malbikun og stendur út næstu viku.
Skrifað: 25. ágúst 2023
Við viljum biðja íbúa og aðra sem eru með bifreiðar í götunum að fjarlægja bílana fyrir mánudagsmorgun eða vera tilbúin til að færa bílana með skömmum fyrirvara. Líkur eru á því að einhver lokun verði á umferð um göturnar næstu tvær vikurnar.
Strax í kjölfar undirbúnings gatnanna fyrir malbikun kemur malbikunarstöðin, en hún er að vinna verkefni á Ísafirði og Bolungarvík og mætir á svæðið að þeim loknum.
Eftir að malbikun líkur verður haldið áfram með frágang á því raski sem varð á görðunum við Mýrar og Hóla á vegum sveitarfélagsins í tengslum við lagnavinnu undanfarin tvö ár.
Gert er ráð fyrir gangstétt þeim megin sem ljósastaurarnir eru nú staðsettir, en gagnstétt er ekki komin í framkvæmdaáætlun sem stendur og verður því ekki kláruð í þessum áfanga.
Miklar framkvæmdir hafa verið um og í kringum göturnar undanfarin ár og viljum við þakka íbúum fyrir þolinmæðina sem sýnd hefur verið.