Vel heppnað minniboltamót á Patreksfirði
Minniboltamót Vestfjarða fór fram í íþróttahúsinu Bröttuhlíð á Patreksfirði sunnudaginn 1. nóvember. Alls tóku 35 börn í sjö liðum þátt í mótinu.
Íþróttafélagið HHF tók á móti Vestra frá Ísafirði og var keppt í tveimur aldursflokkum, 1.–2. bekk og 3.–4. bekk.
Mótið gekk vel og var góð stemning meðal þátttakenda. Markmiðið var að gefa börnunum tækifæri til að spila körfubolta og hitta jafnaldra frá öðrum stöðum á Vestfjörðum.
Næsta minniboltamót er fyrirhugað á Ísafirði laugardaginn 3. apríl.
