Vígsla á rampi við Skor
Miðvikudaginn 12. júní kl. 12 verður nýr rampur við innganginn í Skor vígður. Öll eru hjartanlega velkomin að fagna þessum tímamótum.
Rampurinn er unninn í samstarfi við Römpum upp Ísland sem eru komin langleiðina með sitt markmið að byggja 1500 rampa um allt landið og bæta þannig aðgengi fyrir hreyfihömluð svo um munar. Þetta er fyrsti rampurinn sem þau setja upp á Vestfjörðum og er nr. 1200. Alls verða fjórir rampar gerðir í sveitarfélaginu.
Kaffi og kleinur verða á boðstólnum og sögð verða nokkur orð. Þekkingarsetrið Skor er staðsett að Aðalstræti 53 á Patreksfirði, við grunnskólann.