Vígsluhátíð Bíldudalsskóla
Öll eru hjartanlega velkomin að vera viðstödd vígslu Bíldudalsskóla að Hafnarbraut 5, fimmtudaginn 14. maí kl. 13:00.
Um er að ræða nýjan og glæsilegan skóla sem mun hýsa bæði leik- og grunnskólastarf á Bíldudal. Skólinn er hannaður af Arkibygg og markar tímamót í skólastarfi sveitarfélagsins.
Dagskráin hefst með opnu húsi þar sem gestum gefst kostur á að skoða skólann undir leiðsögn starfsfólks. Að því loknu tekur við formleg dagskrá með ávörpum, tónlistaratriðum og formlegri vígslu. Boðið verður upp á léttar veitingar.
