1. kafli: Innritun í leikskóla
1.1. Að sækja um leikskóladvöl
Sótt erum leikskóladvöl á íbúargátt Vesturbyggðar á heimasíðu sveitarfélagsins www.vesturbyggd.is.
Sækja má um leikskóla frá fæðingardegi barns eða strax og kennitala þess hefur verið skráð.
Aðalinnritun fyrir næsta skólaár hefst að vori og er auglýst á heimasíðu Vesturbyggðar. Sjá kafla 1.2.
1.2. Innritun
Innritun fer fram í tveimur þrepum. Í fyrsta þrepi er unnið úr þeim umsóknum sem berast í
aðalinnritun ár hvert og er þeim börnum úthlutað plássi eftir aldri. Í öðru þrepi er unnið úr
umsóknum sem berast eftir að aðalinnritun líkur og er þeim börnum úthlutað plássi eftir því sem
mögulegt er hverju sinni.
1.3. Skilyrði fyrir leikskólaplássi
Skilyrði fyrir leikskólaplássi er að foreldri og barn eigi lögheimili í Vesturbyggð en hægt er að sækja
um leikskólapláss ef lögheimili er væntanlegt, þó úthlutun og upphaf leikskólavistar eigi sér ekki stað
fyrr en lögheimili er komið.
1.4. Forgangur
Sækja má um forgang að leikskólum í Vesturbyggð vegna eftirfarandi:
– Vegna barna með fötlun. Vottorð frá viðurkenndum greiningaraðila skal fylgja umsókn.
– Vegna barna með þroskafrávik. Vottorð frá viðurkenndum greiningaraðila skal fylgja umsókn.
– Vegna barna sem búa við erfiðleika í félagsumhverfi – barnaverndarmál. Vottorð frá
félagsmálayfirvöldum skal fylgja umsókn.
– Vegna alvarlegra veikinda eða fötlunar hjá foreldrum/forráðamönnum eða systkinum
barnsins. Vottorð frá lækni eða öðrum opinberum aðilum skal fylgja umsókn.
– Börn foreldra/forráðamanna undir lögaldri (18 ára).
– Börn starfsmanna í leikskólum og grunnskólum sveitarfélagsins. Bréf frá skólastjóra skal
fylgja umsókn.
2. kafli: Leikskólagjöld, opnunartími og uppsagnir
2.1. Um opnunartíma og leikskólagjöld
2.1.1. Grunn-leikskólagjald
Leikskólar Vesturbyggðar eru opnir frá kl. 7:45 til kl. 16:15 alla virka daga.
Grunn-leikskólagjald veitir aðgang að leikskólanum frá kl. 8:00-16:00 mándudaga – fimmtudaga og
frá kl. 8:00-14:00 á föstudögum. Boðið er uppá leikskóladvöl á öðrum tímum gegn auknu gjaldi. Sjá
kafla 2.1.3.
Leikskólar í Vesturbyggð eru lokaðir á aðfangadag og gamlársdag.
2.1.2 Fyrir börn yngri en tveggja ára
Fram að tveggja ára aldri barns er hægt að óska eftir hálfri leikskóladvöl, frá kl. 8:00-12:00. Greiðist
þá einungis hálft grunn-leikskólagjald fyrir. Þegar barn verður tveggja ára færist það sjálfkrafa upp í
grunn-leikskóladvöl skv. 2.1.1.
2.1.3 Leikskóladvöl gegn auknu gjaldi
Boðið er uppá leikskóladvöl gegn auknu gjaldi á eftirfarandi tímum:
– Frá 7:45-8:00
– Frá kl. 16:00-16:15.
– Eftir kl. 14:00 á föstudögum.
– Á skráningardögum, sjá 3. kafla.
Gjald fyrir þessa tíma greiðist samkvæmt gjaldskrá hversu sinni.
2.3.Leikskólagjöld
2.3.1. Ákvörðun leikskólagjalda
Leikskólagjöld eru ákveðin af bæjarstjórn hverju sinni og geta breyst án fyrirvara.
2.3.2 Greiðsla
Leikskólagjöld greiðast frá þeim degi er barn hefst í aðlögun.
Leikskólagjöld eru greidd eftirá. Gjalddagi er fyrsta hvers mánaðar. Eindagi er 15 dögum eftir
gjalddaga, dráttarvextir reiknast frá eindaga.
2.3.3 Þegar leikskólagjald hefur ekki verið greitt í einn mánuð
Ef leikskólagjald hefur ekki verið greitt í 1 mánuð eða um undanþágu frá 2.3.1 hefur verið samið við
leikskólastjóra eða bæjaryfirvöld er litið svo á, að viðkomandi hafi afsalað sér plássinu frá 1. næsta
mánaðar og leikskólagjöld þá send lögfræðingi til innheimtu.
2.4. Uppsögn á leikskólaplássi
Hægt er að segja upp leikskólaplássi á þar til gerðu eyðublaði á íbúagátt Vesturbyggðar á heimasíðu
sveitarfélagsins www.vesturbyggd.is. Gagnkvæmur uppsagnarfrestur leikskólanna og
foreldra/forráðamanna er einn mánuður hið minnsta. Leikskólastjóra er heimilt að krefjast mánaðar
greiðslu frá uppsagnardegi, hafi reglum um uppsagnarfrest ekki verið fylgt.
2.5. Fæðisgjald
2.5.1. Greitt er fyrir fæði
Fæðisgjald er ákveðið af bæjarstjórn hverju sinni og getur breyst án fyrirvara.
Greitt er fyrir morgunmat, hádegismat og síðdegishressingu. Fæðisgjald er greitt eins og
leikskólagjöld skv. 2.3.2.
2.5.2 Niðurfelling fæðisgjalds
Foreldrar/forráðamenn geta sótt um niðurfellingu fæðisgjalds liggi fyrir að barn sé ekki í
leikskólanum í 10 virka daga samfellt og þarf að sækja um það fyrirfram með því að hafa samband
við leikskólastjóra.
3. Skráningadagar, starfsdagar og leyfi
3.1. Skráningardagar
Skráningardagar eru ekki innifaldir í grunn-leikskólagjaldi. Foreldrar/forráðamenn þurfa að skrá
börnin þessa daga og greiða sérstaklega fyrir þá skv. gjaldskrá.
Fyrirkomulag skráningar á skráningardaga er auglýst í hverjum leikskóla fyrir sig.
Fjöldi og dagsetningar skráningadaga eru staðfestir með skóladagatali hvers árs.
3.2 Sumarleyfi
Leikskólar Vesturbyggðar eru lokaðir í 4 vikur að sumri. Þau ár sem enda á sléttri tölu er lokað í fjórar
vikur í júlí. Ár sem enda á oddatölu er lokað í fjórar vikur frá miðjum júlí og fram í miðjan ágúst.
3.3. Starfsdagar
Starfsdagar eru 5-6 ár hvert. Reynt er eftir fremsta megni að hafa samræmi milli starfsdaga leik- og
grunnskóla á svæðinu.
Ekki eru felld niður leikskólagjöld vegna starfsdaga.
3.4. Fjarvistir barna
Tilkynna þarf fjarvistir barna til leikskóla, hvort sem það er vegna veikinda eða annarra orsaka.
3.4.1 Veikindi
Veikt barn skal ekki koma í leikskólann. Barn telst veikt ef það getur ekki fylgt daglegu starfi
leikskólans vegna vanheilsu. Ef veikt barn mætir í leikskólann er starfsfólki heimilt að óska eftir að
það verði sótt hið fyrsta.
3.4.2 Mannekla
Ef grípa þarf til þess neyðarúrræðis að senda börn heim vegna manneklu er haft beint samband við
foreldra. Ekki er veittur afsláttur af leikskólagjöldum vegna þessa.
4. Aðrar reglur
4.1. Dvalartími
Barni er aðeins heimilt að dvelja í leikskólanum þann tíma sem dvalarsamningur kveður á um.
Sé barn ítrekað sótt of seint eða mætt of snemma bætist við leikskólagjöldin álag vegna þess.
4.2. Koma og brottfarir
Þeim sem fylgja barni í leikskólann eða sækja, ber að láta viðkomandi starfsmann vita um komu sína
og brottför.
Látið ávallt vita ef aðrir en foreldrar/forráðamenn sækja barnið.
4.3. Aðlögun
Barn sem byrjar í leikskólum Vesturbyggðar skal fá aðlögunartíma með foreldri eða forráðarmanni til
að fyrirbyggja, svo sem unnt er, röskun á öryggiskennd barnsins.
Leikskólagjald og fæðisgjald greiðist frá þeim degi er barn hefur aðlögun á leikskóla.
Vesturbyggð, 3. febrúar 2025