Almyrkvi á sólu 2026

Hvað er almyrkvi?

Almyrkvi á sér stað þegar tunglið gengur beint milli sólar og jarðar og skyggir alveg á sólina í örfáar mínútur. Á þeim tíma verður dimmt og hita­stig getur jafnvel lækkað lítil­lega. Fyrir og eftir almyrkva sést deild­ar­myrkvi, það er þegar tunglið skyggir á hluta sólar.

Almyrkvar eru sjald­gæfir og sjást aðeins frá mjóu belti á jörð­inni. Almyrkvi hefur ekki sést á Íslandi síðan 1954.

Hvenær má sjá almyrkvann?

Almyrkvinn verður seinnipartinn miðviku­daginn 12. ágúst 2026. Hann verður sjáan­legur um allt sveit­ar­fé­lagið en tíma­setn­ingar og lengd eru breyti­legar eftir stað­setn­ingu.

Á heima­síð­unni Solmyrkvi2026.is má smella á stað á korti og sjá nákvæm­lega hvenær deild­ar­myrkvi hefst, hvenær almyrkvi hefst og lýkur og hvenær deild­ar­myrkva lýkur aftur. Þar má einnig sjá kort yfir skugga og svæði þar sem almyrkvi verður ekki sjáan­legur.

Á Látra­bjargi varir almyrkvinn í tvær mínútur og þrettán sekúndur.

 

Þarf ég sólmyrkv­agler­augu?

Sólmyrkv­agler­augun eru úr silf­ur­húð­aðri filmu sem síar skað­lega geisla og hleypir aðeins örlitlu ljósi í gegn. Hættu­legt er að horfa beint á sólina án slíkra gler­augna þar sem innrauðir og útfjólu­bláir geislar sólar­innar geta valdið varan­legum augnskaða. Venjuleg sólgler­augu duga ekki þar sem þau sía ekki skað­lega geislun nægi­lega vel.

Gler­augun þarf að hafa á sér allan tímann sem deild­ar­myrkvinn varir, bæði fyrir og eftir almyrkva. Aðeins á meðan almyrkvinn sjálfur stendur, þegar sólin er alveg hulin, má taka þau af.

Land­læknir hefur gefið út leið­bein­ingar um verndun augna þegar fylgst er með sólmyrkva. Þær má lesa hér.

Hvar fæ ég sólmyrkv­agler­augu?

Sveit­ar­fé­lagið tók þátt í sameig­in­legri pöntun sveit­ar­fé­lag­anna á Vest­fjörðum á sólmyrkv­agler­augum. Íbúar í Vest­ur­byggð geta sótt sér gler­augu í íþróttamið­stöðv­arnar:

• Íþróttamið­stöðina á Tálkna­firði, Sveins­eyri
• Bröttu­hlíð á Patreks­firði, Aðalstræti 55
• Byltu á Bíldudal, Hafn­ar­braut 3

Þótt nóg sé til af gler­augum fyrir alla íbúa eru þeir beðnir um að taka aðeins ein gler­augu á hvern íbúa heim­il­isins, svo tryggt sé að allir fái.

 

Get ég bókað pláss á tjald­svæðum?

Nei. Á tjald­svæðum Vest­ur­byggðar gildir megin­reglan fyrstur kemur, fyrstur fær, einnig í tengslum við sólmyrkvann.

Til að mæta auknum fjölda gesta verða öll tjald­svæði sveit­ar­fé­lagsins stækkuð tíma­bundið:

• Patreks­fjörður: fyrir neðan Félags­heimili Patreks­fjarðar og upp á Wembley.
• Tálkna­fjörður: á túnið fyrir neðan kirkjuna.
• Bíldu­dalur: á svæðið við Völu­völl.

Við gerum ráð fyrir að allir sem vilja tjalda komist fyrir, en mælum með að gestir mæti tíman­lega til að tryggja sér gott pláss. Rekstr­ar­að­ilar tjald­svæða mun leið­beina gestum á svæði.

Rafmagns­staurum á tjald­svæðum hefur verið fjölgað í tengslum við viðburðinn. Athugið að ekki er þó hægt að tryggja að allir fái rafmagn­steng­ingu þar sem fjöldi rafmagns­stæða er takmark­aður.

Nánari upplýs­ingar veita rekstr­ar­að­ilar tjald­svæð­anna.

Verður umferð­ar­stýring vegna sólmyrkvans?

Já. Til að tryggja umferð­ar­flæði og greiða leið viðbragðs­aðila verður sérstök umferð­ar­stýring á svæðinu þann 12. ágúst:

• Örlygs­hafn­ar­vegur (612): Einstefna frá kl. 08:00. Á Örlygs­hafn­ar­vegi (612) að Látra­bjargi mega aðeins rútur með allt að 19 farþega aka.
• Rauðasands­vegur (614): Einstefna frá kl. 08:00. Rútum er óheimilt að keyra um veginn.
• Lögregla verður með eftirlit á svæðinu frá kl. 23:00 þann 11. ágúst og getur takmarkað aðgengi ef aðstæður krefjast.
• Óheimilt er að leggja ökutækjum á vegum eða vegöxlum. Ökutæki sem lagt er ólög­lega verða fjar­lægð á kostnað eigenda.

Við biðjum gesti um að fylgja leið­bein­ingum lögreglu og annarra viðbragðs­aðila og gefa sér góðan tíma til ferða­laga.

Hvað með umferð­ar­stýr­ingu á öðrum svæðum?

Nei. Ekki er gert ráð fyrir sérstakri umferð­ar­stýr­ingu á öðrum svæðum í Vest­ur­byggð. Gestir eru þó beðnir um að fylgja almennum umferð­ar­reglum og virða fyrir­mæli lögreglu og viðbragðs­aðila ef þörf krefur.

 

Ómögu­legt er að leggja mat á nákvæman fjölda gesta. Þar spila nokkrir þættir inn í, svo sem óvissa um veður- og skýja­huluspá, fjölda gesta á tjald­svæðum, fjölda gesta í heimag­ist­ingu og svo fram­vegis.

Íbúar og fyrir­tæki eru hvött til að slökkva á ljósum, þar á meðan þeim sem stjórnast af sjálf­krafa ljós­skynj­urum, til að lágmarka ljós­mengun og tryggja góða upplifun fyrir öll.