Styrkir til menningar- og ferðamála
Vesturbyggð veitir styrki til verkefna sem efla menningar- og ferðamál innan sveitarfélagsins. Markmið styrkjanna er að styðja við fjölbreytt og lifandi menningarstarf og auka sýnileika og aðdráttarafl svæðisins fyrir íbúa og gesti.
Umsækjendur geta verið einstaklingar, fyrirtæki, félagasamtök og stofnanir. Styrkirnir taka til verkefna sem fara fram í Vesturbyggð eða tengjast sveitarfélaginu með skýrum hætti, til dæmis með þátttöku íbúa, listafólks eða fyrirtækja á svæðinu.
Heildarfjárhæð styrkja er ákveðin í fjárhagsáætlun Vesturbyggðar hverju sinni og er úthlutað tvisvar á ári. Umsóknarfrestir eru annars vegar til og með 1. apríl og hins vegar til og með 1. október. Bæjarráði er heimilt að úthluta allt að 80% heildarfjárhæðar styrkja við fyrri úthlutun ársins en eftirstöðvum við seinni úthlutun. Umsóknum skal skila á rafrænu eyðublaði í íbúagátt Vesturbyggðar.
Nánari upplýsingar um skilyrði, matsviðmið og styrkhæfan kostnað er að finna í úthlutunarreglum styrkja bæjarráðs til menningar- og ferðamála.
Lokaskýrsla
Styrkþegar skulu skila lokaskýrslu um framkvæmd verkefnisins innan tveggja mánaða frá því að því lauk. Í lokaskýrslu skal gera stuttlega grein fyrir framkvæmd verkefnisins og heildarkostnaði þess.
Skil lokaskýrslu eru skilyrði fyrir því að hægt sé að sækja um styrk á ný. Lokaskýrslu skal skila á rafrænu eyðublaði í íbúagátt Vesturbyggðar.