Bókun­ar­kerfi félags­heimila

Mark­miðið með upptöku bókun­ar­kerfis er notenda­vænna ferli við bókun félags­heim­il­anna. Kerfið auðveldar og einfaldar leigj­endum að bóka, afbóka og breyta bókunum og gefur betra yfirlit yfir bókun­ar­stöðu eftir dögum og verð.

Athygli er vakin á því að verðið sem gefið er upp við bókun er með fyrir­vara um breyt­ingar. Sé til dæmis óskað eftir auka­þjón­ustu, svo sem kaffi á fundum eða uppröðun/frágangi, verður því bætt við reikn­inginn sem leigj­andinn fær. Þá mun upphæð leigu miðast við gjald­skrá Vest­ur­byggðar á leigu­degi, en gjald­skráin er uppfærð um hver áramót. Það þýðir að bóki leigj­andi félags­heimili fyrir áramót en leigu­dag­urinn er eftir áramót miðast leigan við leigudag en ekki þann dag sem bókað er.

Leigj­endur eru eindregið hvattir til að koma ábend­ingum og hugmyndum að betr­um­bæt­ingum á fram­færi við menn­ingar- og ferða­mála­full­trúa. Eins geta leigj­endur haft samband við forstöðu­menn á vinnu­tíma um hvað sem er tengt kerfinu og félags­heim­il­unum.

1. Ferð á Noona.is og leitar að því félags­heimili sem þú vilt bóka hjá. Athugið að Vind­heimar eru undir félags­heimili Tálkna­fjarðar.
2. Ýtir á Bóka tíma
3. Fyllir inn þínar persónu­upp­lýs­ingar
4. Velur þann flokk sem þú vilt bóka, t.d. Leiga á stóra sal, Leiga á anddyri eða Eldhús.
5. Velur þá þjón­ustu sem þú vilt bóka, t.d. Stórd­ans­leikur, Stærri viðburðir eða Minni viðburðir.
6. Velur þann dag sem þú vilt bóka. Athugið að kerfið er yfir­leitt sjálf­krafa stillt kl. 07:00, leigj­endur þurfa ekki að breyta því þótt þeir þurfi húsið ekki kl. 07:00. Eins er lengd bókun­ar­innar stillt sjálf­krafa og leigj­endur þurfa ekki að spá í það.
7. Athugar hvort þínar upplýs­ingar séu réttar.
8. Svarar bókun­ar­spurn­ingu ef hana ber upp á þessu skrefi. Dæmi um spurn­ingar sem leigj­endur geta verið beðnir um að svara:
   – Óskar þú eftir að nota skjáv­arpa og skjáv­ar­pa­tjald?
   – Hver er ráðgerður fjöldi á viðburð­inum?
   – Hvenær viltu fá húsið afhent og skila því af þér?
9. Velur hvort þú bætir við athuga­semd til forstöðu­manns. Þar má taka fram sérþarfir leigj­enda og bera upp spurn­ingar.
10. Stað­festa bókun.
11. Þegar leigj­andi hefur sent inn beiðni um bókun bíður bókunin stað­fest­ingar forstöðu­manns. Leigj­andi fær tölvu­póst þegar leigan hefur verið stað­fest. Athugið að forstöðu­menn svara bókunum aðeins á hefð­bundnum vinnu­tíma.

Almennt

• Hvað er hægt að bóka með löngum fyrir­vara?
  

  Með 52ja vikna fyrir­vara. Vinsam­legast hafið samband við forstöðu­mann ef þið óskið eftir að bóka lengra fram í tímann.

• Hvað gerist eftir að ég bóka?
  

  Þú færð stað­fest­ingu í tölvu­pósti, SMS og Noona-appinu. Forstöðu­maður félags­heim­il­isins fær einnig tilkynn­ingu og bíður bókunin samþykkis hans.

• Get ég breytt eða afbókað í kerfinu?
  

  Já, þú getur gert það í gegnum Noona með sólar­hrings fyrir­vara.

• Ég á nú þegar bókun í félags­heimili sem er ekki enn komið að. Þarf ég að bóka aftur og þá í gegnum kerfið?
  

  Nei, ef þú hafðir bókað fyrir 29. október 2025 er bókunin til hjá okkur og þarf ekki að leggja inn aftur.

• Hvar finn ég upplýs­ingar um bókunina sem ég gerði í kerfinu?
  

  Þú getur fundið þær í tölvu­pósti, aðgang­inum þínum á Noona og í SMS-i frá Noona.

• Mér finnst erfitt að meta hvort að viðburð­urinn minn teljist stórd­ans­leikur, stærri viðburður eða minni viðburður. Hvað á ég að gera?
  

  Upplýs­ingar um hvers konar viðburðir eiga við hvern flokk birtast í kerfinu sjálfu en þú getur líka spurt forstöðu­mann.

• Get ég bókað fyrir hönd annars aðila?
  

  Já, áður en bókun er stað­fest getur þú valið Bóka fyrir annan en mig og slegið upplýs­ingar viðkom­andi inn.

• Get ég bókað fleiri en einn dag í einu?
  

  Nei, það er því miður ekki hægt eins og er. Þú getur annað hvort haft samband við forstöðu­mann til að lengja leiguna eða sett inn aðra bókun fyrir annan dag.

• Hvernig virkar afhending hússins?
  

  Yfir­leitt opnar forstöðu­maður húsið fyrir þér á fyrir­fram­greindum tíma, í öðrum tilfellum hefur hann samband við þig um afhend­ingu.

Verð

• Eru verðin þau sömu og áður?
  

  Já, verðin fara eftir gjald­skrá Vest­ur­byggðar á leigu­degi.

• Hvernig fer greiðsla fram?
  

  Líkt og áður fær leigj­andi reikning frá sveit­ar­fé­laginu eftir að leigu lýkur.

• Ég ætla að bóka félags­heimili fyrir eigenda­félag/sjálf­boða­liða­félag sem á rétt á afslætti skv. gjald­skrá. Hvernig get ég fengið afsláttinn?
  

  Við bókun setur þú inn kenni­tölu félagsins og þá ætti afslátt­urinn að koma inn sjálf­krafa.

 

Aðstoð

• Ég þarf aðstoð við að bóka í gegnum kerfið. Við hvern á ég að hafa samband?
  

  Vinsam­legast hafðu samband við forstöðu­mann félags­heim­il­isins á vinnu­tíma.

• Ég þarf að hafa samband við forstöðu­mann, hvernig á ég að hafa samband?
  

  Netföng og síma­númer forstöðu­manna má nálgast á undir­síðum félags­heim­il­anna.