Dagur sólmyrkvans runninn upp

Sveitarfélagið hefur tekið saman allar helstu upplýsingar í tenglum við atburðinn á sérstakri undirsíðu heimasíðunnar.

Rétt er að minna á eftirfarandi:

• Hættu­legt er að horfa beint á sólina án sólmyrkvagleraugna. Vesturbyggð gefur öllum íbúum sólmyrkvagleraugu, þau má sækja í íþróttamiðstöðvar.
• Veðurstofan hefur opnað sérstaka síðu um sólmyrkvann, þar er hægt að fylgjast með veðurspám.
• Einstefna á Örlygshafnarvegi og Rauðasandsvegi er nú í gildi. Nánari upplýsingar eru á heimasíðu Vegagerðarinnar.
• Náttúruverndarstofnun hefur umsjón með Látrabjargi. Nánari upplýsingar um viðbúnað þeirra má lesa á heimasíðu stofnunarinnar.
• Hægt er að fylgjast með stöðuuppfærslum lögreglunnar á Vestfjörðum á Facebooksíðu hennar.
• Símanúmer Neyðarlínunnar er 112. Þá er einnig gott að vista varanúmer Neyðarlínunnar, 599 0112, sem er aðeins ætlað til notkunar ef ekki næst í 112.
• Vesturbyggð hefur skilgreint þrjú söfnunarsvæði: Við félagsheimili Patreksfjarðar, félagsheimili Tálknafjarðar og félagsheimilið Baldurshaga á Bíldudal. Þar verður aðgengi að grunnþjónustu, svo sem salernum.

Það eru forréttindi að búa á almyrkvaslóð, njótum þess að verða vitni að slíku náttúrufyrirbæri. Góða skemmtun.